Миний хайр тансаг болохоор эмзэгхэн байдаг
Миний амраг үнэнчхэн болохоор би жаргалтай байдаг
Амьдрал үхэл хоёрын алиных нь ч үүдэнд очлоо гэвч
Аяа чамтайгаа л байвал зүрх даарахгүй гэдгийг мэдэрдэгтээ би омголон явдаг аа.

  Ялдамхан инээсэн хөөрхөн бүсгүй минь гараа өгөөч 
Ягаахан уруултай халуухан бүсгүй минь гараа өгөөч 
Хархан нүдтэй сайхан бүсгүй минь гараа өгөөч 
Харц булаасан гуалиг бүсгүй минь гараа өгөөч

Урьд шөнө би чамтай хамт дуу дуулсан. Сэтгэлээ бүлээцтэл.
Урууланд чинь тэгээд уруулаараа хүрсэн. Сэтгэлээ халууцтал.
Сэмхэн инээмсэглэлдээ гуниг шингээж гэр лүүгээ ороход чинь
Сэтгэл минь ганцаардах мэт болж дараагийн учирлыг өөртөө амласан